Stegastein Utsiktspunkt er ein svært populær turistattraksjon i Aurland. Utsiktspunktet er ein 30 meter lang tre-plattform som ligg 650 meter over havet og gir ein spektakulær utsikt over Aurlandsfjorden.

 

Det tek 15-20 minuttar å køyre frå hyttene våre, men det kan ta noko lengre tid avhengig av trafikkmengden. Vegen opp til Stegastein har kun eitt køyrefelt sjølv om trafikken går i begge retningar, så for å unngå den verste trafikken i høgsesongen anbefalar me å besøke attraksjonen enten tidleg på morgonen eller seint på ettermiddagen.

 

Vegen til Stegastein er ein del av den nasjonale turistvegen over Aurlandsfjellet, også kalt «Snøvegen». Det er derfor mogleg å fortsette turen over fjellet for fleire flotte syn.